Edhe një pacient i sëmurë nga gripi A H1N1

Edhe një qytetar i Koçanës i sëmurë nga gripi A H1N1. Burri 55 vjeç gjendet për kurim intensiv në klinikën infektive në Shkup. Pacienti i parë po ashtu nga Koçana ende gjendet i shtrirë në këtë spital dhe është në gjendje të rëndë shëndetësore. Ndonëse gripi po përhapet, qytetarët edhe më tej nuk vendosin të vaksinohen. Nga qendra për shëndet publik në Shkup informojnë se prej fillimit të sezonit për vaksinim e deri më tash janë vaksinuar vetëm 2766 qytetarë.”Parapëlqejmë qytetarët të vaksinohen, për arsye se vaksinimi ë mbrojtja e vetme nga gripi sezonal dhe nga lloje tjera të gripave që i përmendim” tha Shemsi Musa, drejtor i qendrës së shëndetit publik, Shkup. Numri i të sëmurëve këtë sezon i tejkalon 2000 persona. Si pasojë e komplikimeve të rënda nga kjo sëmundje në Shkup janë hospitalizuar 21 pacientë. Mjekët bëjnë apel nëse tek qytetarët paraqiten simptoma karakteristike për gripin, të lajmërohen tek mjeku i tyre amë. Për ata që dëshirojnë të vaksinohen çmimi i vaksinës është 400 denarë kurse qendra e shëndetit publik në Shkup punon prej orës 8 deri 16.