Ngjarjet në Tiranë, reagojnë Ahmeti dhe Selmani

Kryetari i Bashkimit Demokratik për Integrim (BDI) në mënyrë indirekte ka kritikuar Partinë Socialiste (PS) për ngjarjet e ditës së premte në Tiranë, kurse kryetari i Demokracisë së Re (DR) Imer Selmani Partinë Demokratike, gjegjësisht pushtetin e atjeshëm.
“Me keqardhje e mora lajmin për ngjarjet në Tiranë. E drejtë e gjithkujt është të organizojë protesta, por kjo e drejtë nuk duhet të shndërrohet në dhunë. Uroj që kjo të mos ketë pasoja për Shqipërinë dhe qytetarët e saj”, ka deklaruar Ahmeti.
“Jam shumë i shqetësuar nga jo që po ndodh në Tiranë sepse mendoj se Shqipëria gjithmon ka reflektuar pozitivisht në rajon. Për Maqedoninë kjo duhet të jetë shkollë sepse edhe këtu në Maqedoni pozita duhet të ketë një sens më të madh ndaj kërkesave të opozitës", ka thënë Selmani.
Komentet për ngjarjet në Shqipëri Ahmeti dhe Selmani i kanë bërë pas takimit të liderëve me presidentin Georgi Ivanov. Në këtë takim janë diskutuar çështja e emrit, përgatitjet për regjistrimin dhe shënimi i njëzet vjetorit të pavarësimit të Maqedonisë dhe dhjetë vjetorit nga nënshkrimi i Marrëveshjes së Ohrit. Opozita e ka komentuar takimin si jothelbësor, kurse pushteti sit ë frytshëm.