MESSI: ASNJËHERË NË KARRIERË NUK DO LUAJA PËR REALIN

Futbollisti më i mirë në botë në dy vitet e fundit Lionel Messi ka deklaruar se asnjëherë në karrierën e tij nuk do të luaj për Realin e Madridit.
“Më parë do kisha ndërprerë karrierën time, se sa të luaja për Realin e Madridit” – tha ylli argjentinas për mediat në Spanjë . Leo Messi ka filluar që me kategoritë e ulëta te Barcelona, ndërsa debutimin e tij në ekipin e parë të Barcelonës e ka pasur gjatë vitit 2004.
Deri më tani argjentinasi për skuadrën nga “Kamp Nou” ka zhvilluar gjithsej 243 ndeshje, duke shënuar 159 gola, ndërsa ka asistuar edhe në 65 raste gjatë shënimit të golave. Me Barcelonën ai është shpallur katër herë kampion në Spanjë, katër herë ka fituar Super Kupën e Spanjës, një herë Kupën e Spanjës, dy herë Ligën e Kampionëve, ka triumfuar në Superkupën e Evropës, Kupën e Botës si dhe dy herë ka fituar çmimin e futbollistit më të mirë në Botë, “Topi i Artë”.