Rritje alarmante të të prekurve nga gripet sezonale

Rritet numri i të sëmurëve nga gripet sezonale. Deri më sot, numri i të prekurve është 1748. Për dy pacientë të rinj, gripi sezonal pati pasojë fatale. Rritja e numrit të të prekurve, është vërejtur me fillimin e muajit janar. Vetëm në këto 11 ditë, bëhet fjalë për 678 të sëmurë. Klinika infektive u bën apel mjekët të familjes, që të zbulojnë në kohë gripin, pasi komplikimet mund të jenë fatale. Gripi manifestohet në tre forma prej të cilave, më e shpeshta është ajo që paraqitet me këto simptoma. “Temperaturë, kollë, dhembje fyti, dhembje koke, dhembje të muskujve dhe kyçeve, plogështi, ndonjëherë edhe çrregullim gastrointestinal si dhe vjellje” tha Zvonko Milenkoviq, drejtor i klinikës infektive. Numri më i madh i të sëmurëve është nga Shkupi, gjithsej 632 persona. Si masa parandaluese, mjekët këshillojmë marrjen e shumë vitaminave.Në Maqedoni nuk është vërejtur deri tani, ndonjë rast të prekuri me virusin H1N1 edhe pse vendet fqinje po përballen me shumë raste të infektuarish. Autoritetet thonë se janë duke u ndërmarrë masat parandaluese dhe situata po ndiqet me shumë vëmendje.