Deputetët e PDSH-së në bojkot marrin rrogat

Deputetët e PDSH-së, Arbër Xhaferi, Menduh Thaçi, Imer Aliu, Meral Ferati dhe Sadije Iljazi të cilët e bojkojtojnë punën e Kuvendit, megjithatë, kanë arsyetuar mungesën e tyre dhe rregullisht kanë marrë rroga. Midis deputetëve me më shumë mungesa të arsyeshme në periudhën korrik-dhjetor të vitit 2010 sipas raportit "Deputeti im", janë edhe deputetët Imer Selmani, Ali Ahmeti, Fazli Veliu dhe Fiat Canovski. Numër më të madh të pyetjeve të deputetëve në seancat plenare në Kuvend nga korriku deri në dhjetor të vitit të kaluar ka parashtruar Goran Sugarevski nga LSDM-ja, pastaj kolegët e tij Marjanço Nikollov, Jani Makraduli, Mende Dinevski, Vesna Bendevska, si dhe Tito Petkovski nga PRSD-ja. Numër më të madh të amendamenteve në të njejtën periudhë kanë dorëzuar Ilija Kitanovski nga VMRO-DPMNE-ja dhe Tahir Hani nga BDI-ja. Nikollov dhe Makraduli janë paraqitur më së shumti për diskutime në seancat plenare, ndërsa numër më të madh të replikave përveç Makradulit kanë pasur edhe Bendevska, Ivanova dhe Buçkovski. Nga VMRO-DPMNE-ja më së shumti replika kanë pasur Cvetko Grozdanov dhe Ilija Dimovski. Në periudhën prej korrikut deri në dhjetor të vitit 2010 në seancat plenare nuk kanë diskutuar gjithsej 31 prej 120 deputetëve. Lista prej 13 deputetë të cilët nuk kanë munguar në seancat plenare të Kuvendit të mbajtura në periudhën korrik - dhjetor të citit 2010 e kryesoi kryetari i Parlamentit Trajko Veljanoski, ndërsa pas tij në këtë listë pasojnë Stojçe Kërstevski, Risto Panov, Sonja Cvetkovska, Jagotka Ivanovska, Marjanço Kolevski, Vanço Grozdanov, Mile Pamçevski, Olivera Trajanova, Cvetko Grozdanov, Zhivko Pejkovski, Tahir Hani, Besim Dogani dhe Darko Dimitrievski.