Përplasje në Kuvend për kultivuesit e duhanit

Kultivuesit e duhanit protestën e vënë në pushim gjatë dy ditëve të ardhshme dhe i bënw thirrje të gjithë bujqve që të fillojnë ta dorëzojnë duhanin në qendrat e grumbullimit. Kërkuan që blerësit të fillojnë të bëjnë vlerësimin real të duhanit me çka do të motivohen kultivuesit e duhanit që masovikisht ta dorëzojnë duhanin në qendrat e grumbullimit. Sipas numrit një të këshillit grevist, Kire Nedellkoski bujqit shkonin në qendrat e grumbullimit por të pakënaqur nga vlerësimi i duhanit atë e kthenin në shtëpi. Ai thotë se të kota ishin vizitat në qendrat të grumbullimit të ministrit të bujqësisë Lupço Dimovski dhe kryetarit të Lidhjes së shoqatës së prodhuesve të duhanit, se vlerësuesit pas largimit të ministrit vazhduan me avazin e vjetër, jepnin vlerësim dhe çmim më të dobët për një kilogram duhan të dorëzuar. Për vlerësimin e dobët të duhanit dhe inspektimet e dobëta reaguan edhe nga federata e fermerëve. Ata thonë se kultivuesit e duhanit dhe grumbulluesit duhet të bëjnë kompromis dhe të merren vesh si dhe të mos lejojnë që politika të ndikojë në punën e tyre.“Kultivuesit praktikisht janë keqpërdorur në bazë të politikës ditore. Nëse kultivuesit e duhanit organizohen më mirë përmes shoqatave të tyre, atje nëse ka problem me siguri do ta zgjidhin dhe nuk do të manipulohen nga grupet e caktuara. Ky nuk është rast tani, sepse ne kërkojmë edhe riorganizimin në forma të organizuara se çfarë është ajo që atje po ndodh” tha Andrea Sekullovski, kryetar i federatës së fermerëve. Problemet me kultivuesit e duhanit, ndarja në tanët dhe të juaj, dhe protesta e fundit para Parlamentit i grindi edhe deputetët para fillimit të mbledhjes së sotme të komisionit për financim dhe buxhet.“Të punësuarit në ndërmarrjen Ujësjellësi ishin demonstrues përpara selisë së LSDM-së” tha Mile Andonov, LSDM“Njerëzit janë të pakënaqur” tha Vlladanka Aviroviq nga Partia socialiste“Mirëpo, kultivuesit e duhanit nuk janë punonjës të ndërmarrjes komunale” shtoi Mile Andonov,LSDM.”Pra, kolegë, kjo është demokracia. Kush i rrahë, ata janë njerëzit e tyre, i punësuan, ata i sollën në pushtet. Pse i rrahin, nuk guxojnë t’i rrahin” kundërpërgjigjet Vlladanka Aviroviq, Partia socialiste. “Njerëzit janë tanët” tha Andonov. “Mirëpo, pse ta rrahin ai ka votuar për ta, pse ta rrahin. Tani gjuan me gurrë, është i fuqishëm. Ata tanët nga opozita nuk guxojnë të gjuajnë. Menjëherë do t’i mbyllim dhe do t’i rrahin atje. Çfarë mendoni? Nuk iu thanë thyeni çdo dritare të Parlamentit dhe atë ua thanë”. “Nuk ka tanët dhe të tuajt, të gjithë janë tanët” tha Vlladanka Aviroviq, Partia socialiste.“Po, hajde pra, kur bëjnë grevë janë kundër neve, atëherë ata janë të LSDM-së” tha Marjanço Nikollovski, LSDM. Ndërkaq, kultivuesit e duhanit po protestojnë thuajse gati 1 muaj dhe kërkojnë që duhani të vlerësohet realisht dhe çmimi t’i afrohet atij të vitit të kaluar prej 190 denarësh për një kilogram. Kultivuesit e duhanit sipas ligjit për duhanin, duhet ta dorëzojnë prodhimin në qendrat e grumbullimit deri në 15 mars.


By: NJIMI