AKREPI 24/10-21/11

Karakteristikat që bashkojnë të lindurit e shenjës së Akrepit.
Janë të vetëdijshëm se zotërojnë një cilësi të madhe, domethënë nuk dorëzohen dhe arrijnë t’i zgjidhin gjërat edhe kur pësojnë zhgënjime të mëdha. Ushtrojnë një lloj tërheqjeje tek njerëzit që i rrethojnë, falë inteligjencës së tyre të kthjellët e depërtuese. Janë shumë të rezervuar dhe nuk pranojnë kritika ose ndërhyrje në jetën e tyre private. Në punë kanë nevojë për stimuj të fortë që e bëjnë ta jetojë problemin (që duhet zgjidhur) si një sfidë e vazhdueshme. Kjo i lejon të nxjerrin në pah aftësitë me të cilat janë të pajisur.

Të reja pozitive në qiellin e këtij viti: Urani është duke e mbyllur aspektin e vet dominues në shenjë; ndërmjet marsit dhe shtatorit ky planet do të shfaqet në shenjën e Peshqve, duke premtuar raste të reja pozitive për progresin tuaj personal, këto premtime do të jenë mjaft të qarta në vijim të vitit. Edhe Saturni do të ndryshojë pozicion, deri në ditët e para të qershorit, duke formuar një trekëndësh pozitiv: kështu që do të fillojë për ju një fazë evolutive gjatë së cilës do të keni mundësi të gjeni një shpirt të shkëlqyer konstruktiv falë të cilit do të keni ndryshime të rëndësishme. Jupiteri, në fund të gushtit, nuk do të ndikojë më negativisht mbi ju, duke i lënë rrugën një fillimi të ri të mbarë në të gjitha fushat, por veçanërisht në planin ekonomik e profesional. Neptuni do të jetë planeti i vetëm i cili do të mbajë të pandryshueshëm pozicionin që ka zënë prej kohësh, duke bërë që të pësoni ndryshime të rëndësishme si në jetën tuaj të përditshme ashtu edhe në mënyrën tuaj të të jetuarit. Nga mesi i qershorit deri në mesin e dhjetorit mund të keni besim në influencën e Marsit i cili do t’u japë shumë energji dhe forcë. Influencat më pozitive do të jenë të përqëndruara në pjesën e dytë të vitit. Në janar ju këshillohet më shumë kujdes sepse mund të ketë ndryshime të papritura si për shëndetin, për situatën financiare apo edhe për dashurinë. Edhe në muajin maj deri në mesin e qershorit do të jetë mirë të bëni kujdes, ndërkohë që me ardhjen e verës qielli juaj do të fillojë të kthjellohet dhe korriku, në veçanti, do të jetë i mbarë për të bërë projekte në dashuri, për të programuar udhëtime, për të marrë iniciativa të reja në punë. Muajt në vazhdim do të jenë të shkëlqyer, me një formë të mirë fizike, energji të dukshme, përparësi në çdo rrethanë pa qenë nevoja të stresoheni. Ndërmjet gjysmës së tetorit dhe gjysmës së nëntorit do të jetoni periudhën më të rëndësishme të vitit, sepse Venusi dhe Mërkuri në shenjën tuaj, në pozitë të mirë me Marsin, Jupiterin e Saturnin, do t’ju dhurojnë emocione të forta në dashuri dhe të ardhura të kënaqshme në fushën financiare.

Dashuria
Viti 2003 do të jetë një vit pozitiv për sektorin sentimental. Pas 7 vjetësh Urani do të heqë dorë nga efekti i tij negativ që në ndonjë rrethanë mund t’ju ketë destabilizuar dhe do të marrë pozicion në një orbitë positive, duke sjellë kështu një erë të re ndryshimesh, sidomos për të lindurit e dhjetëditëshit të parë të shenjës.
Nga muaji qershor, aspekti harmonik që do të formojë Saturni do t’i japë siguri e stabilitet disa historive të reja sentimentale. Kush kërkon dashurinë, nga shtatori, mund të mbështetet në influencën e Jupiterit i cili do t’i rritë optimizmin të zhgënjyerve.
Nga 10 tetori deri në 2 nëntor, me Venusin në shenjë, ju presin ditët më pasionante të vitit.

Shëndeti>
Kini besim tek një vit të karakterizuar nga një formë e mirë fizike; energjitë nuk do t’ju mungojnë, sidomos në pjesën e dytë të vitit.
Pra, do të keni mundësinë të arrini maksimumin në çdo rrethanë pa u lodhur e stresuar shumë.

Puna
Sinjalet e para të përmirësimit në sektorin profesional do të vijnë në mars, kur Urani do të vendoset në një pozicion të favorshëm. Të reja dhe dëshirë për të ndryshuar punë ose aktivitet; këto do të jenë notat karakterizuese të disave prej jush.
Nga qershori, mund të keni besim në influencën e Saturnit i cili do t’ju japë stabilitet dhe këmbëngulje për të arritur objektivat që i keni vënë detyrë vetes.
Momenti më i mirë do të vijë në fund të gushtit, kur Jupiteri do të hyjë gëzueshëm në shenjë dhe do t’ju ndihmojë në sipërmarrjet e reja profesionale.

Paratë
Për financat tuaja duhet të keni pak durim.
Derisa Jupiteri të jetë në pozicion të vështirë, situata juaj financiare nuk do të jetë nga më të mirat.
Nga shtatori e në vazhdim, Jupiteri do të spostohet drejt shenjës së Virgjëreshës, duke ju bërë konkretë në investimet që mendoni të bëni.