Elbasan, humb jetën aksidentalisht në punë një 43-vjeçar

Një punëtor 43-vjecar ka gjetur vdekjen sot në Belsh të Elbasanit, për shkak të një aksidenti në ambjentet e punës. Nga informacionet e fundit, shtetasi Misir Abazi ka humbur jetën pasi ka rënë nga kati i dytë i një ndërtese ku po punonte.

Kolegët e tij i kanë vajtur në ndihmë, duke e nisur për në spital, por gjithcka ka qenë e kotë, pasi 43-vjecari ka mbërritur atje i vdekur.

Në vendngjarje kanë mbërritur agjentë të policisë, të cilët po punojnë për të verifikuar respektimin e kushteve të sigurisë.