MESSI – ATL.MADRID 3:0

Për “katalonasit” ishte kjo fitorja e 16-të me rradhë, me çka ka arritur që të thyej rekordin e para 50 viteve të rivalit të përjetshëm Realit të Madridit nga sezoni 1960/1961 kur “mbretërit” kishin shënuar 15 fitore rradhazi…….

Barcelona në ndeshjen e fundit të së shtunës me rezultatin e lartë 3:0 mundi Atletiko Madridin kështu duke thyer rekordin e para 50-të viteve të rivalit të përjetshëm Realit të Madridit kur janë në pyetje fitoret e njëpasnjëshme në La Liga. Për skuadrën nga “Kamp Nou” ishte kjo fitorja e 16-të me rradhë, ndërsa më i merituari ishte argjentinasi Lionel Messi që shënoi të tre golat. Dy prej tyre Messi shënoi në pjesën e parë në minutat 17-të dhe 29-të, ndërsa të tretin në minutën e 79-të kur edhe u vendos rezultati përfundimtar, Barcelona 3, Atletiko Madridi 0. me këto tre gola Messi ka arritur që sërish të ngjitet në krye të listës së golashënuesve, me gjithsej 24 gola duke lënë pas portugezin Kristiano Ronaldo që ka 22 gola. Befasinë më të madhe të javës në La Liga e bëri Levante që mposhti si mysafir në “El Madrigal” Viljarealin minimalisht 1:0. Ishte kjo disfata e parë për Viljarealin në teren vendas këtë sezon pas 10 fitoreve dhe vetëm një barazimi. Golin që i solli tre pikë të mëdha në luftën për mbijetesë Levantes, e shënoi Valdo në minutën 48-të. Zaragoza para tifozëve të vet nuk shkoi përtej barazimit në ndeshjen me Rasing Santanderin për të cilën skuadër në këtë ndeshje debutoi përforcimi më i ri, meksikani Xhovani dos Santos. Vetëm pas 14-të minutave lojë futbollistët nga Santanderi me anë të Kristian Fernandez shënuan golin e parë në këtë ndeshje, ndërsa golin e barazimit për vendasit e shënoi Said Butahar. Një ndeshje tjetër që përfundoi me rezultatin identik 1:1 ishte edhe ajo ndërmjet Osasunës dhe Majorkës. Skuadra nga “Pamplona” pas fitores së madhe në ndeshjen e javës së kaluar kur mundi Realin e Madridit, një gjë të tillë nuk bëri edhe në ndeshjen kundër Majorkës, skuadër kljo e cila fundjavën që lëmë pas përjetoi disfatën më të rëndë nga Sporting Hihoni me rezultatin 0:4. Të parët që shënuan në këtë ndeshje ishin vendasit, edhe atë vetëm pas 8-të minutave lojë me anë të Miguel Flanjos, ndërsa një pikë skuadrës nga “Palma de Majorka” i solli Gonzalo Kastro me golin e tij të shënuar në minutën e 37-të. Futbollistët e Getafes me rezultatin 4:1 mundën Deportivo La Korunjan. Golashënues i dyfishtë për skuadrën vendëse ishte Adrian Kolunga, në minutat 19-të dhe 26-të, derisa nga një gol shënuan Miku në minutën e 45-të dhe Pedro Rios në minutën 57-të. Golin e vetëm për Deportivon e shënoi Riki në minutën e 68-të nga penalltia. Atletik Bilbao kavazhduar serinë e fitoreve në kuadër të La Ligas. Pas tre fitoreve të njëpasnjëshme kundër Atletiko Madridit, Herkulesit dhe Rasing Santanderit, të shtunën futbollistët nga “San Mamesh” me rezultatin e lartë 3:0 mundën Sporting Hihonin. David Lopez në minutën e 15-të nga penaltia shënoi për 1:0, ndërsa Gaizka Tokuero me golin e tij të shënuar 12-të minuta më pas shënoi për 2:0. rezultatin përfundimtar të këtij takimi, Atletik Bilbao 3, Sporting Hihoni 0 e vendosi Markel Susaeta në minutën e 74-të. Në këtë ndeshje te skuadra mysafire me karton të kuq që në minutën e 15-të u ndëshkua francezi Gregori. Almeria me golat e Marsel Silvas në minutën e 5-të, Kalu Uçes në të 7-tën dhe Hernan Bernardelos në minutën e 18-të arriti një epërsi të paarritshme kundër Espanjolit, skuadër kjo e cila deri në fund të ndeshjes me golat e Hoan Verdes në minutën e 34-të dhe Alvaro Vazkesit në minutën 49-të, arritën vetëm të zbusin rezultatin në 3:2, mirëpo jo edhe ti ikin disfatës së 9-të gjatë këtij sezoni. Të dielën në program janë edhe tre takimet e mbetura të javës së 22-të. Sevilja në “Ramon Sançez Pizhuan” do të ketë një detyryë të vështirë përballë Malagës, Real Madridi në “Santiago Bernabeu” do të mirëpret Real Sociedadin, ndërsa ndeshja e fundit është ajo ndërmjet Valencisë dhe Herkulesit.