Vetëm 8 ditë para skadimit të afatit, radhë të gjata qytetarët vërehen në sportelet e zyrave Komunale të Drejtorisë për çështje pronësoro- juridike, për të aplikuar për blerjen e oborreve me çmimin 1 euro për metër katror. Megjithëse mundësia është hapur për më shumë se një vit e gjysmë, që prej të hënës, çdo ditë dorëzohen rreth 1300 kërkesa. E njëjta shumë, kërkesash ishte dorëzuar vitin e kaluar, sa për një muaj. Sipas Drejtorisë, numri më i madh i të interesuarve është në Manastiri, Prilepi, Kumanova, Karposh dhe Kisella Voda. Nga Ministria e Financave i kujtojnë qytetarëve se deri më 27 janar kur skadon afati, për ta filluar procesin e blerjes së oborreve, do të duhet të paraqesin të paktën kërkesë për privatizim. Që t’i përgjigjen numrit të lartë të kërkesave, janë përforcuar shërbimet në sportele. Ndërkaq, një pjesë e qytetarëve kërkojnë që qeveria të zgjasë afatin për blerjen e oborreve. Ata ankohen për procedura burokratike voluminoze. Ministri i financave, Zoran Stavrevski, e hodhi poshtë mundësinë e shtyrjes së afatit, pastaj, me kryeministrin Gruevski doli me qëndrim më të zbutur. Ata thanë se pas 27 janarit së pari do të bëjnë grumbullimin e të dhënave, e më pas do të shohin mundësin për shtyrje eventuale të afatit. Megjithatë, ata që deri më 27 janar nuk do të paraqesin kërkesa për blerjen e tokës, në të ardhmen do të duhet të paguajnë qiranë, me çmimin që më pastaj do ta caktojë shteti.
Mon Jul 21, 2014 5:16 pm nga 
