Ban Ki-Mun i bëri thirrje Izraelit të ndalet me ndërtimin e lagjeve në territorin palestinez

Sekretari i përgjithshëm i Kombeve të bashkuara, Ban Ki-Mun mbrëmë i bëri thirrje Izraelit që ta ndal ndërtimin e lagjeve në territorin palestinez që të fillojnë negociatat paqësore dhe në të njëjtën kohë dërgoi apel të ndalet "retorika e papërgjegjshme" e cila e sjellë në pikëpyetje zgjidhjen për të dy shtetet në kuadër të konfliktit izraelito-palestinez dhe nxitje të urrejtjes dhe dhunës.
"Nuk guxojmë të lejojmë të humbim ende kohë", theksoi Ki-Mun në takimin e këshillit të KB-së i cili merret me çështjen palestineze.
Ai shtoi se palestinezët kanë të drejtë për shtet të pavarur, ndërsa Izraeli ka të drejtën të jetojë në paqe. Sekretari i përgjithshëm i KB-së theksoi se duhet të gjindet mënyrë që Jerusalemi të marrë statusin e kryeqytetit të të dyja shteteve.
Negociatat e drejtpërdrejta palestinezo-izraelite të cilat filluan në shtator të vitit të kaluar u ndërprenë pas disa javëve për shkak të vazhdimit të ndërtimit të lagjeve hebraike në territoret për të cilat palestinezët konsiderojnë se duhet të jenë në përbërje të shtetit të tyre të ardhshëm.


By: NJIMI