Shembet ndërtesa e lashtë romake e Pompeit

Është shembur ndërtesa e qytetit të lashtë Romak të Pompeit, e cila para më shumë se 2 mijë vite vpërdorej si vend për përgatitjen e gladiatorëve para paraqitjeve të tyre. Për fat të mirë, vendi në atë kohë ishte i mbyllur për turistët dhe askush nuk pësoi. Megjithatë, ngjarja e solli në pyetje sigurinë e vizitorëve në këtë lokalitet i cili është një nga atraksionet kryesore turistike në Itali. Antonio Varone, drejtor i lokalitetit, i cili edhe po përballet me kritika, në përpjekjen për ta qetësuar situatën, deklaroi se objekti i shembur do të rindërtohet dhe se çdo gjë do të vijë në vendin e vet. Sipas të dhanëve të para shkas për shembjen e objektit ishin shirat e rrëmbyeshëm që goditën zonën gjatë ditëve të mëparshme. Pompei, që gjendet afër Napolit, u shkatërrua më 24 gusht të vitit 79 para epokës sonë gjatë shpërthimit të vullkanit në malin e Vezuvit. Mijëra njerëz humbën jetën, kurse i gjithë qyteti u varros nga hiri vullkanik, i thellë më shumë se gjashtë metra. Kështu qëndroi plotë 1600 vjet para se të zbulohet rastësisht.Prej vitit 1997, Pompei është nën mbrojtjen e UNESCO-s.