Ivanov dhe liderët partiakë do të bisedojnë për prioritetet e jashtme politike

Presidenti Gjorge Ivanov, liderët e partive politike, Ali Ahmeti i BDI-së, Imer Selmani i Demokracisë së Re, Nikolla Gruevski i VMRO-DPMNE-së dhe lideri i LSDM-së Branko Cërvenkovski, sot në Jasen do të bisedojnë për prioritetet e jashtme-politike të Maqedonisë, me theks të veçantë në integrimet në NATO dhe BE dhe kontestin për emrin.Në takimin të cilin e inicoi presidenti Ivanov, edhe pse është ftuar, nuk do të marrë pjesë lideri i PDSH-së, Menduh Thaçi.Shefi i shtetit dhe kryetarët e partive më të mëdha politike, siç është paralajmëruar, do të diskutojnë edhe për rekomandimet dhe prioritetet nga Raporti i Komisionit Evropian për Maqedoninë, për shënimin e dy jubileve të rëndësishme - njëzetëvejtorin e pavarësisë dhe dhjetëvjetorin e Marrëveshjes së Ohrit, si dhe për mbajtjen e regjistrimit të ardhshëm.Qëllimi për konvokimin e takimit të liderëve, theksojnë nga kabineti i Ivanovit, është vazhdim i konsultimeve të rregullta të shefit të shtetit me subjektet më relevante politike për realizim më të mirë të këtyre ngjarjeve të rëndësishme, obligimeve dhe prioriteteve


bY : Hacker-Boy