Alsat-M, ‘Kush dëshiron të bëhet milioner’

Alsat-M siguron transmetimin e show quiz-it më të popullarizuar në gjithë botën, ‘Who Wants to Be a Millioner’ – ‘Kush dëshiron të bëhet Milioner’. Televizioni kombëtar ALSAT-M blen këtë prodhim për t’ia ofruar publikut shqiptar në Maqedoni. Quizi ka një premi prej 50 mijë eurosh, ose rreth 3 milion denarësh. ALSAT-M, me blerjen e këtij quiz-i arrin një tjetër sukses në fushën mediatike.
Formati ‘Kush do të bëhet milioner’ është një mundësi e jashtëzakonshme për studentë dhe studiues, njerëz të thjeshtë apo të gjithë ata që kanë dëshirë të provojnë dijet e tyre. E konceptuar si një lojë, ky show-quiz ofron argëtim dhe emocione të jashtëzakonshme, ku pjesëmarrësit do ti përgjigjen 15 pyetjeve të ndara në tre grupe, duke filluar nga më të lehtat.
Gjithçka tjetër, skenografia, studioja dhe organizimi, janë identike sikurse në të gjitha realizimet e tilla të show-t global ‘Who Wants to Be a Millioner’. Në shqip, ‘Kush dëshiron të bëhet milioner’ drejtohet nga artisti i madh Agron Llakaj.
Ky Quiz ka përmasa globale dhe transmetohet në 118 vende të botës, në Evropë, Amerikë, vendet Latine, Afrikë, Azi e deri në Australinë e largët. Për herë të parë, ky eveniment startoi në 1998 në Britaninë e Madhe.
Si kudo në botë, ku Show Quiz vjen në ekranin e ALSAT-M, çdo të hënë në orën 21.00.