Promovohet libri “Nëna Terezë - histori magjepsëse” nga autori Leo Maasburg

Në shtëpinë përkujtimore të Nënës Terezë në Shkup sot u promovua libri “Nëna Terezë - histori magjepsëse” nga autori, prift Leo Maasburg. Libri është përkthyer në gjuhën maqedonase dhe shqipe. Libri për herë të parë është botuar në gjuhën gjermane për tu përkthyer edhe në 10 gjuhë të tjera, ndërsa në të shkruhet për jetën dhe veprën e saj humane. Sipas akademik Luan Starovës autori Leo Maasburg me vite ka qenë shoqërues I Nënës Terezë, ndërsa duke lexuar këtë libër ne nuk zbulojmë Nënën Terezë si misionare e një doktrine por si një njeri I cili përcillte esencën e jetës dhe kuptimin e të jetuarit.
“Çdo libër ka fatin e vet është një thënie latine, I tillë është edhe ky libër, ai është një ditar I një jetë të thjeshtë të një gruaje të shenjtë që tempullin e saj ka planetin tokë. Shkrimtari I ditarit ka qenë bashkudhëtarë i Nënës Terezë I cili I rrëfen mrekullitë e saja të vogla dhe të mëdha. Dialogu I tyre I vazhdueshëm gjatë udhëtimeve mban shenjën e dashurisë hyjnore, fuqinë e besimit dhe shpresës e cila nuk vdes kurrë. Duke lexuar këtë libër zbulojmë Nënën Terezë edhe nga një aspekt tjetër, ajo është e thjeshtë deri në shenjtërim, e pasur shpirtërisht.” Luan Starova, akademik.


By: NJIMI