Paskal Milo, promovon librin e ri "Të vërtetat e fshehura, incidenti i kanalit të korfuzit"

Ish diplomati Paskal Milo promovoi sot në Tetovë, librin ‘Të vërtetat e fshehura, incidenti I kanalit të korfuzit’. Libri zbardh ngjarjet dhe incidentin e 1945-së në Kanalin e Korfuzit, ku nga minat e vendosura nga ushtria jugosllave asokohe, mbetën të vrarë 45 marinarë britanikë.

“Për këtë libër kam ndjerë një kënaqësi shumë më të madhe sepse e kam mbajtur shumë nëpër duar këtë histori, me vite e vite të tëra, duke gërmuar nëpër arkivat që përmenda këtu, por edhe në arkivat shqiptare, madje sekretet për të cilat po flas, sekretet e fshehura për gjashtëdhjetë e ca vjet flinin realisht në arkivat shqiptare në Tiranë por askush nuk kishte mundur ti gjente këto 20 vjet…(Blic) Ky libër zgjati në duart e mia 16 vjet” tha Paskal Milo, autor i librit.

Drejtori i Akademisë Diplomatike Shqiptare në Tetovë Arsim Sinani, shprehet se ky bashkëpunim për sjelljen e personaliteteve në vendin tone, do vazhdojë edhe në të ardhmen me qëllim promovimin e vlerave të mirëfillta shqiptare.

“ADSH dega në Maqedoni do të vazhdojë që me institucionet tona arsimore, kësaj radhe me USHT-në por edhe me UEJL-në, të sjellë njerëz të rëndësishëm të botës si diplomatike e akademike, që t’i ofrojmë opinionit akademik dhe studentor, njerëz të këtij profili nga të cilët ne mund të përfitojmë shumë gjëra interesante” tha Arsim Sinani/drejtor i ADSH, dega Tetovë.

Promovimi i librit u bë në hapësirat e USHT-së, dhe ishte përkrahur financiarisht nga sekretariati për implementimin e Marrëveshjes së Ohrit.


By: NJIMI