Ministria e Kulturës, anashkalon teatrot shqiptare, thonë drejtuesit e Teatrit të Tetovë duke komentuar programin e Ministrisë së kulturës për vitin 2011. Sipas drejtorit, Artan Skenderi, teatrit të Tetovës dhe Shkupit, u janë ndarë vetëm nga 3 projekte për gjithë vitin, për dallim prej teatrove maqedonase siç janë ai në Manastir dhe vende të tjera, të cilëve u janë ndarë nga 5 e më shumë projekte. rast ditën e sotme ka reaguar edhe drejtori i Teatrit të Tetovës, Artan Skenderi.“ Kjo shumë nuk mjafton për një zhvillim normal e jo më të themi për një zhvillim të një teatri të ri. Të hënën presim zyrtarisht të marrim këtë raport dhe pastaj të ankohemi në fazën e dytë të bëjmë presion politik brenda mundësive tona sepse edhe pozita e drejtorit nuk mjafton dhe ka nevojë për trysni politike” tha Artan Skenderi, Drejtor i Teatrit të Tetovës. Kanë reaguar edhe aktorët e teatrit të Tetovës. Ata shprehen se ky është një skandal që i tejkalon përmasat e kulturës në vendin tone ndërsa kërkojnë nga faktori politik shqiptar që menjëherë të ndërmerr masa për të evituar anashkalimin e teatrove shqiptare.“Nëse deri tash jemi ndjerë të diskriminuar mund të them lirisht dhe nuk besoj se është fjalë e vrazhdë kjo mund të klasifikohet si një nacizëm kulturorë në Maqedoni. Me programin e vitit 2011 të paktën sa i përket teatrit dhe programeve teatrore shqiptarët janë të anashkaluar skajshmërisht” tha Elmir Sejfullai, aktor. “Mendoj se i tejkalon kufijtë e kulturës, i tejkalon shqetësimet kulturore apo ndarjet kulturore në Maqedoni. Unë do apeloj deri tek zv.kryeministri i Maqedonisë Ademi meqë shqiptar tjetër në Ministri të kulturës nuk kemi që urgjentisht ta rikthen këtë vendim” tha aktori Burhan Amiti. Ndërkohë në njoftimin e Ministrisë së Kulturës lidhur me miratimin e programit thuhet se ai është i konceptuar në përmbushjen e të gjitha prioriteteve ndërsa do të ketë qasje të barabartë për të gjitha veprimtaritë si dhe do të mbështesë projektet për zhvillimin dhe përmbarimin e kulturave të bashkësive etnike në Maqedoni. Nga buxheti i Ministrisë së Kulturës që arrin 3.4 miliardë denarë, për programin e kulturës janë paraparë 625 milionë denarë. Bashkim Sulejmani