Qeveria e Maqedonisë përpiqet të pengojë edhe një shtrenjtim tjetër. Si raporton Alsat-M, mbrëmë përkohësisht është ulur dogana për importimin e sheqerit të rafinuar nga 30 në 5 për qind, me çka do të duhet të zvogëlohet rritja e çmimeve të ëmbëlsirave, çokollatave, pastave, tortave dhe të gjitha produkteve të tjera që përmbajnë sheqer, duke përfshirë edhe lëngjet nga frutat.
Qeveria vendosi të heqë dorë nga paratë e doganës, për shkak të çmimit të sheqerit të papërpunuar në bursat ndërkombëtare, që vazhdimisht është në rritje.
“Gjatë vitit 2010, për shkak të kushteve të vështira klimatike të që janë eksportuese të mëdha të sheqerit (Tajlanda, Brazili dhe Australia), çmimi i këtij artikulli ushqimor është ngritur dukshëm. Ulja e doganës për sheqerin është masë e përkohshme dhe do të vlejë në nëntë muajt e ardhshëm.
Në Odën Ekonomike pohojnë se edhe po të shtrenjtohet sheqeri, kushtet e lojës do të jenë të njëjta sikurse me kompanitë e BE-së. Ndërkaq, rritja e fundit e çmimit të sheqerit në bursa në 772 dollarë për tonë bëri bujë në Rusi. Ajo është importuese më e madhe dhe këtë vit do të importoj 36 për qind më shumë sesa vjet, ndërsa importin do ta bëjë dy muaj më herët, përkatësisht në mars, e jo në maj, siç kishte paralajmëruar më herët.
Çmimi i sheqerit në botë është në ngritje tash e tre vjet, por këtë vit ka arritur vlerën mëç të lartë për shkak të katastrofave natyrore. Një pjesë e kallamit të sheqerit në Kinë u shkatërrua nga ngricat, në Australi dhe Tajlandë nga përmbytjet e mëdha, shirat dhe përmbytjet asgjësuan të mbjellat në Indi, ndërsa thatësira shkatërroi një pjesë të rendimentit edhe në Brazil.